Моли́твами свя́тых оте́ц на́ших, Го́споди Иису́се Христе́ Бо́же наш, поми́луй нас. Ами́нь.
Святы́й Бо́же, Святы́й Кре́пкий, Святы́й Безсме́ртный, поми́луй нас (читается трижды, с крестным знамением и поясным поклоном).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй (трижды).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Го́споди, поми́луй (12 раз).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Прииди́те, поклони́мся Царе́ви на́шему Бо́гу (поклон).
Прииди́те, поклони́мся и припаде́м Христу́, Царе́ви на́шему Бо́гу (поклон).
Прииди́те, поклони́мся и припаде́м Самому́ Христу́, Царе́ви и Бо́гу на́шему (поклон).
Псалом 50-й
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́ и от греха́ моего́ очи́сти мя. Я́ко беззако́ние мое́ аз зна́ю и грех мой пре́до мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши внегда́ суди́ти Ти. Се бо в беззако́ниях зача́т есмь, и во гресе́х роди́ мя ма́ти моя́. Се бо и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие, возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н: се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.
![](data:image/png;base64,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)
Песнь 1
Ирмос: Пресека́емое мо́ре жезло́м дре́вле, Изра́иль про́йде я́ко по пусты́ни, и крестообра́зно я́ве, предуготовля́ет стези́. Сего́ ра́ди пои́м во хвале́нии чу́дному Бо́гу на́шему, я́ко просла́вися.
Припев: Ми́лостиве Го́споди, услы́ ши моли́тву раб Свои́х, моля́щихся Тебе́.
В день печа́ли наше́дшия на ны, к Тебе́, Христе́ Спа́се, припа́дающе, Твоея́ ми́лости про́сим. Облегчи́ боле́знь раба́ Твоего́, изреки́ нам, я́ко со́тнику: иди́, се здрав есть о́трок твой.
Ми́лостиве Го́споди, услы́ши моли́тву раб Свои́х, моля́щихся Тебе́.
Мольбы́ и моле́ния с воздыха́нием к Тебе́ вопие́м: Сы́не Бо́жий, поми́луй нас. Воздви́гни со одра́ лежа́щаго, я́ко разсла́бленнаго сло́вом: возьми́ одр твой, глаго́ля, отпуща́ются ти греси́ твои́.
Конец ознакомительного фрагмента. Полный текст доступен на www.litres.ru